En cumprimento do disposto no artigo 34 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, publícase como anexo a esta resolución o Acordo do Consello da Xunta de Galicia, do 18 de novembro de 2021, polo que se outorga autorización administrativa previa, autorización administrativa de construción e se declara a utilidade pública, en concreto, así como a compatibilidade con diversos aproveitamentos mineiros e forestais, das instalacións relativas ao proxecto do parque eólico Campelo, sito nos concellos de Coristanco e de Santa Comba (A Coruña) e promovido pola sociedade Greenalia Wind Power Campelo, S.L.U. (expediente IN661A 2011/16).

Santiago de Compostela, 22 de novembro de 2021

Paula Uría Traba
Directora xeral de Planificación Enerxética e Recursos Naturais

ANEXO

Acordo do Consello da Xunta de Galicia, do 18 de novembro de 2021, polo que se outorga autorización administrativa previa, autorización administrativa de construción e se declara a utilidade pública, en concreto, así como a compatibilidade con diversos aproveitamentos mineiros e forestais, das instalacións relativas ao proxecto do parque eólico Campelo, sito nos concellos de Coristanco e de Santa Comba (A Coruña) e promovido pola sociedade Greenalia Wind Power Campelo, S.L.U. (expediente IN661A 2011/16).

Examinado o expediente iniciado por solicitude de Kaekias Eólica, S.A. (promovido na actualidade por Greenalia Wind Power Campelo, S.L.U.) en relación coa autorización administrativa previa, autorización administrativa de construción e declaración de utilidade pública do parque eólico Campelo, constan os seguintes

Antecedentes de feito:

Primeiro. Mediante Resolución do 20 de decembro de 2010 pola que se aproba a relación de anteproxectos de parques eólicos seleccionados ao abeiro da Orde do 29 de marzo de 2010 para a asignación de 2.325 MW de potencia na modalidade de novos parques eólicos en Galicia (DOG núm. 248, do 28 de decembro), admitiuse a trámite o parque eólico Campelo (en adiante, o parque eólico), cunha potencia de 42 MW e promovido por Kaekias Eólica, S.A.

Segundo. O 17.6.2011, Kaekias Eólica, S.A. presentou a solicitude de autorización administrativa, aprobación do proxecto de execución, o estudo de impacto ambiental, declaración de utilidade pública e aprobación do proxecto sectorial para o parque eólico.

Terceiro. Mediante Resolución do 28 de xuño de 2012, da Xefatura Territorial da Consellería de Economía e Industria da Coruña (en adiante, a xefatura territorial), someteuse a información publica a solicitude de autorización administrativa, a aprobación do proxecto sectorial de incidencia supramunicipal, o estudo de impacto ambiental e a declaración de utilidade pública do parque eólico (DOG núm. 161, do 24 de agosto).

Cuarto. O 27.1.2015, a xefatura territorial remitiulle a esta dirección xeral o expediente do parque eólico.

Quinto. Por Resolución do 5 de marzo de 2018, da Dirección Xeral de Enerxía e Minas (actualmente Dirección Xeral de Planificación Enerxética e Recursos Naturais), autorizouse a transmisión de titularidade do parque eólico a favor de Greenalia Wind Power Campelo, S.L.U. (en adiante, a promotora).

Sexto. O 10.4.2018, a promotora presentou nova documentación técnica e ambiental, así como a correspondente relación de bens e dereitos afectados (RBDA), introducindo modificacións no proxecto, motivadas por condicionados ambientais e pola evolución tecnolóxica do sector eólico. Estas modificacións consisten, con carácter xeral, na implantación dun novo modelo de aeroxerador, o que supón a eliminación de tres posicións debido a maior potencia unitaria das máquinas, e no desprazamento de dúas posicións.

Posteriormente, o 30.5.2018 a promotora actualizou a documentación achegada o 10.4.2018.

Sétimo. O 10.4.2018, a promotora solicitou a declaración de interese especial para o parque eólico. O 26.4.2018, o Consello da Xunta de Galicia declarou o parque eólico como proxecto de interese especial.

Oitavo. Mediante Resolución do 8 de maio de 2018, da Dirección Xeral de Enerxía e Minas (actualmente Dirección Xeral de Planificación Enerxética e Recursos Naturais), someteuse a información pública a modificación da solicitude de declaración de utilidade pública, en concreto, e a necesidade de urxente ocupación que iso implica, referida ao proxecto do parque eólico.

A dita resolución publicouse no Diario Oficial de Galicia do 18.6.2018 e no xornal La Voz de Galicia o 19.6.2018 (edición de Carballo) e o 20.6.2018 (edición de Santiago). Así mesmo, permaneceu exposta ao público nos taboleiros de anuncios dos concellos afectados (Coristanco e Santa Comba) e da xefatura territorial.

A listaxe de alegacións recibidas durante o período de información pública inclúese no anexo 1 deste acordo, mentres que o seu contido se resume no antecedente de feito décimo cuarto.

Noveno. O 1.6.2018, o órgano competente en ordenación do territorio e urbanismo informou que os 11 aeroxeradores proxectados cumprían a distancia mínima de 500 m ás delimitacións dos núcleos rurais, solo urbano e solo urbanizable, regulada no Plan sectorial eólico de Galicia.

Décimo. O 19.6.2018, o Servizo de Montes da Coruña emitiu informe en relación cos aproveitamentos forestais afectados polo parque eólico.

Décimo primeiro. O 27.6.2018, a xefatura territorial informou sobre os dereitos mineiros afectados polo parque eólico.

Décimo segundo. O 3.8.2018, en vista das modificacións de proxecto propostas polo promotor na documentación achegada o 10.4.2018 e o 30.5.2018, a Dirección Xeral de Calidade Ambiental e Cambio Climático emitiu informe sobre a continuación da tramitación ambiental, e concluíu que se considera necesario un novo trámite de información pública, ademais da emisión de novos informes por parte de todas as administracións públicas afectadas, para que acheguen os elementos de xuízo necesarios para efectuar a correspondente avaliación de impacto ambiental. Así mesmo, no dito informe recóllense diversas cuestións que deben ser corrixidas e/ou completadas na documentación ambiental, con anterioridade ao trámite de información pública e de consulta ás administración afectadas.

Décimo terceiro. O 17.8.2018, a promotora achegou a documentación técnica e ambiental actualizada, a fin de dar cumprimento ás consideracións efectuadas pola Dirección Xeral de Calidade Ambiental e Cambio Climático no seu informe do 3.8.2018.

Décimo cuarto. Por Acordo do 13 de setembro de 2018, da xefatura territorial, someteuse a información pública a solicitude de autorización administrativa previa, a modificación da declaración de utilidade pública, en concreto, e a necesidade de urxente ocupación que iso implica, a autorización administrativa de construción, o proxecto sectorial de incidencia supramunicipal e o estudo de impacto ambiental do parque eólico (DOG núm. 181, do 21 de setembro).

O dito acordo publicouse no Diario Oficial de Galicia e no xornal La Voz de Galicia do 21.9.2018. Así mesmo, permaneceu exposto ao público nos taboleiros de anuncios dos concellos afectados (Coristanco e Santa Comba), da xefatura territorial, e da Xefatura Territorial da Consellería de Medio Ambiente e Ordenación do Territorio da Coruña.

A seguir, resúmese o contido das alegacións presentadas durante os períodos de información pública recollidos neste punto e no antecedente de feito oitavo, así como durante a tramitación do expediente (a listaxe de alegantes recóllese no anexo 1 deste acordo):

– Existencia de erros na relación de bens e dereitos afectados (RBDA) maioritariamente, en relación coa titularidade das parcelas, coas superficies afectadas, co tipo de aproveitamento e cos enderezos para os efectos de notificacións.

– Na RBDA non figuran os prezos polos metros que se pretenden expropiar. Tanto as vías como as gabias do parque eólico deben ser tratadas como afeccións de pleno dominio. Deberíanse incluír as distancias de acordo coa Lei 3/2007, de prevención dos incendios forestais e a Lei 7/2012, de montes de Galicia.

– A declaración de utilidade pública debe sustentarse nunha memoria relativa á declaración de interese especial do parque eólico, que non consta na documentación consultada.

– Solicítase que se denegue a declaración de utilidade pública, a autorización administrativa previa e de construción, así como a aprobación do proxecto sectorial do parque eólico.

– O valor social e económico dos montes onde se pretende instalar o parque eólico é incuestionable. A actividade agraria tanto convencional como ecolóxica sería imposible e o sector forestal quedaría danado.

– Con respecto ao anexo 4. Cimentación e Xeotécnica do proxecto reformado non é en realidade un estudo xeotécnico que en cumprimento da normativa de cálculo de estruturas debería conter o proxecto, en base no cal se deben calcular as cimentacións. As catas e os traballos de campo para a elaboración do estudo xeotécnico estanse a realizar no momento da información pública, de maneira que a inexistencia do estudo xeotécnico invalida a cimentación proxectada, do que se deduce nulo valor técnico do proxecto no relativo ao cálculo da cimentación.

– O proxecto do parque eólico non ten a posibilidade de evacuación da enerxía producida xa que non existe conexión coa rede actual.

– Solicítase que sexa revogada a Resolución do 27 de abril de 2018, da Dirección Xeral de Enerxía e Minas, pola que se fai público o Acordo do 26 de abril de 2018, do Consello da Xunta de Galicia, polo que se declaran de interese especial varios proxectos de produción de enerxía eléctrica a partir de fontes renovables e as súas infraestruturas de evacuación asociadas (DOG núm. 94, do 18 de maio) e de cantos actos administrativos deriven da tramitación dos proxectos eólicos Bustelo, Campelo, Monte Toural e a LAT 220kV Campelo-Mesón.

– Na tramitación incumpríronse as directrices da Lei 21/2013, de avaliación ambiental, así como da Lei 39/2015, do procedemento administrativo común.

– O proxecto do parque eólico afectará valores naturais, recursos de interese arqueolóxico e patrimonio-histórico catalogado, e terá un impacto social negativo. As obras necesarias para a construción do parque eólico ocasionarán impactos sobre o ecosistema do monte, e terán ademais un carácter irreversible.

– Debe ponderarse a proposta da instalación do parque con outros intereses como, por exemplo, a protección do patrimonio cultural, arqueolóxico e natural.

– Non se achegan datos para que a Administración antepoña o dereito de aproveitamento eólico para a produción de enerxía eléctrica por parte dunha empresa privada, sobre os dereitos de todos os cidadáns a ter un ambiente axeitado.

– Deberíase reducir a área da poligonal de afección do parque eólico por ser excesiva.

– A instalación do parque eólico non semella compatible coa protección de humidais (a Lagoa de Alcaián e o Marco do Couto), coa presenza de especies endémicas, tanto animais (dentro das cales están a ra de Santo Antón, o lagarto silvestre e o pintafontes que requiren unha protección estrita) como vexetais, incluso algunhas en perigo de extinción e/ou consideradas vulnerables como a Lycopediella inundata, a Euphorbia uliginosa, a Centaurea ultreiae (especie que só se dá nesta zona), ou a Spiranthes aestivalis. Tamén figuran aves como a tartaraña cincenta, o picanzo vermello ou o sisón que requiren medidas de protección especiais no seu hábitat, sendo as medidas propostas insuficientes para a súa conservación.

– En canto á hidroloxía da zona, as masas de auga deberán terse máis en conta polos riscos derivados das afeccións previstas; falta dun estudo exhaustivo das augas superficiais como das subterráneas.

– Na zona de instalación do parque eólico foron detectadas formacións de hábitat código 4020-4030 (queirogais atlánticos).

– A zona de Braña Rubia-Alcaián constitúe unha das áreas do concello de Coristanco de maior interese histórico e arqueolóxico.

– En canto a afección sobre a veciñanza, cómpre destacar os ruídos dos aeroxeradores, as consecuencias do efecto parpadeo de sombras (shadow flicker) e a contaminación radioeléctrica.

– Os parques eólicos Campelo, Monte Toural e Bustelo, malia que se tramitan independentemente, formarían parte dun mesmo parque eólico (mesmo promotor, mesma área xeográfica e comparten infraestruturas). Alén disto, consideran que debería haber un único estudo de impacto ambiental onde se estuden os efectos sinérxicos de todas as instalacións no seu conxunto, ademais de ter en conta o parque eólico Castelo xa en funcionamento.

– Que se presentaron alegacións en tempo e forma en relación á tramitación dos seguintes parques eólicos e da súa liña de evacuación: Bustelo, Monte Toural, Campelo e LAT 220 kV Campelo-Mesón, que aínda que se están a tramitar como catro proxectos distintos trátase dun único proxecto, que se fracciona ao obxecto de salvar cuestións contrarias aos intereses da empresa e danando o interese xeral.

– Solicítase que se cambie a situación do aeroxerador SR-11 por estar nas proximidades do entorno natural denominado «Fervenza de Castriz»; se indemnice con algún tipo de bonificación económica á veciñanza de Castriz (rebaixa da factura eléctrica ou entrega dunha porcentaxe da produción do parque eólico); que se tramite coma un só parque eólico e que de irremediable a colocación dos aeroxeradores, se tente reducir ao mínimo o impacto ambiental xerado.

– Solicítase a declaración de nulidade de pleno dereito da declaración de impacto ambiental favorable do proxecto eólico por:

• Omitir a avaliación dos impactos do proxecto eólico Campelo sobre o lobo, ao abeiro do Convenio de Berna e o plan galego de xestión da especie. Esta omisión fundamental invalida o documento ambiental, en tanto en canto, prescinde total e absolutamente do procedemento establecido para o efecto na normativa vixente.

• Substraer da participación pública a avaliación ambiental global, sumativa e sinérxica de todas as infraestruturas que configuran os proxectos eólicos Bustelo, Toural e Campelo, xa que logo de facto trátase dun único proxecto eólico que comparte infraestruturas comúns e na realidade é un parque de maior potencia e dimensión.

• Fragmentar de xeito fraudulento un único proxecto eólico en tres partes e incluso catro, ao ter en conta tamén o proxecto da LAT.

– Solicítase a revisión da declaración de impacto ambiental do proxecto do parque eólico.

– A Xunta de Galicia debe aplicar a Lei 21/2013, do 9 de decembro, de avaliación ambiental e demais lexislación ambiental, en detrimento do regulamento do Plan sectorial eólico de Galicia.

– O Plan sectorial eólico de Galicia hoxe en día está obsoleto, xa que non ten en conta os cambios tecnolóxicos dos aeroxeradores nin os cambios socioeconómicos das áreas afectadas.

– O proxecto non cumpre coa normativa técnica urbanística.

– O Plan sectorial eólico obvia o Decreto 297/2008, do 30 de decembro, polo que se aproba o Plan de xestión do lobo en Galicia.

– Solicítase a inaplicación do Plan sectorial eólico de Galicia con base na súa ilegalidade e invalidez, ao abeiro da lexislación ambiental actual e con base no principio de xerarquía normativa e nulidade de pleno dereito das disposicións administrativas que vulneran normas de rango superior, como é o caso. Un plan como o Plan sectorial eólico de Galicia necesita dunha avaliación de impacto ambiental polas consecuencias de fragmentación que del se derivan para o territorio, para os hábitats e para as paisaxes. Hai que ter en conta, ademais, que non se incorpora a normativa actual relativa á avaliación ambiental de proxectos.

Décimo quinto. Durante a tramitación do procedemento, e de acordo co establecido nos artigos 127 e 131 do Real decreto 1955/2000, do 1 de decembro, a xefatura territorial remitiulles, para a emisión dos correspondentes condicionados técnicos, as separatas do proxecto de execución do parque eólico aos seguintes organismos e empresas de servizo público: Retegal, Cellnex Telecom, S.A., Concello de Santa Comba, Concello de Coristanco, Unión Fenosa Distribución, S.A., Deputación Provincial da Coruña, Consellería do Medio Rural e Augas de Galicia.

Décimo sexto. O 3.10.2018, a xefatura territorial actualizou o informe sobre os dereitos mineiros afectados polo parque eólico emitido o 27.6.2018.

Décimo sétimo. O 10.10.2018, Retegal achegou o correspondente condicionado, establecendo que, unha vez construído o parque eólico, a promotora se comprometera á realización dunha campaña de medidas de cobertura nas localidades do entorno, coa finalidade de comprobar que non se produciu perda ou degradación desta. Neste suposto, proporcionará os medios necesarios ou acometerá algunha actuación de extensión da cobertura que permita o restablecemento da calidade e a correcta recepción dos sinais TDT. O 6.11.2018, a promotora presentou a súa conformidade.

Décimo oitavo. O 17.10.2018, Cellnex Telecom, S.A. achegou o condicionado técnico, en que comunica que non desexa manter ningunha oposición ao proxecto, sempre e cando a promotora se comprometa a solucionar as posibles deficiencias que na recepción do sinal de televisión se poidan producir unha vez construído o parque eólico. O 6.11.2018, a promotora presentou a súa conformidade.

Décimo noveno. O 7.11.2018, a xefatura territorial reiterou as solicitudes de emisión do correspondente condicionado técnico ao Concello de Santa Comba, ao Concello de Coristanco, a Unión Fenosa Distribución, S.A., á Deputación Provincial da Coruña, á Consellería do Medio Rural e a Augas de Galicia.

Vixésimo. O 14.11.2018, o Servizo de Montes da Coruña actualizou o informe emitido o 19.6.2018 en relación cos aproveitamentos forestais afectados, e indicou que o proxecto do parque eólico afecta os montes Campelo e Braña Rubia.

Vixésimo primeiro. O 15.11.2018, a Deputación Provincial da Coruña emitiu o correspondente condicionado técnico en relación coas instalacións do parque eólico. O 4.12.2018, a promotora presentou a súa conformidade.

Vixésimo segundo. O 19.11.2018, o Concello de Coristanco emitiu o correspondente condicionado técnico en relación coas instalacións do parque eólico. O 14.12.2018, a promotora presentou a súa conformidade.

Vixésimo terceiro. O 20.11.2018, Augas de Galicia emitiu o correspondente condicionado técnico en relación coas instalacións do parque eólico. O 4.12.2018, a promotora presentou a súa conformidade.

Vixésimo cuarto. O 10.1.2019, Unión Fenosa Distribución, S.A. informou que, revisada a separata, non atopa ningún inconveniente que impida autorizar o solicitado. O 15.1.2019, a promotora presentou a súa conformidade.

Vixésimo quinto. O 25.4.2019, a Axencia Estatal de Seguridad Aérea autorizou a instalación do parque eólico, e estableceu o correspondente condicionado.

Vixésimo sexto. O 15.5.2019, a promotora presentou documentación ante a xefatura territorial, na cal se recollen as modificacións introducidas como resultado do informe emitido polo Instituto de Estudos do Territorio sobre o estudo de impacto ambiental, consistentes de forma xeral na eliminación dos aeroxeradores SR03 e SR04, así como no cambio de modelo de aeroxerador.

Vixésimo sétimo. O 24.5.2019, a xefatura territorial requiriulle á promotora documentación en que se xustifique a repercusión da modificación proposta en relación ao contido dos informes elaborados polos diferentes organismos consultados, tanto no que se refire ao trámite de avaliación de impacto ambiental como ao da aprobación do proxecto sectorial de incidencia supramunicipal.

Vixésimo oitavo. O 11.6.2019, a xefatura territorial remitiu a esta dirección xeral a documentación achegada pola promotora o 5.6.2019 en resposta ao requirimento indicado no punto anterior, para os efectos da correspondente solicitude de informe ao órgano ambiental e ao competente en materia de ordenación do territorio e urbanismo.

Vixésimo noveno. O 18.7.2019, o órgano ambiental informou que tendo en conta o alcance das novas modificacións pretendidas pola promotora e que o Instituto de Estudos do Territorio xa emitiu un informe final favorable ao respecto, non se considera necesario nesta fase procedimental e no que atinxe exclusivamente aos efectos ambientais que a unidade tramitadora solicite informes adicionais doutros organismos respecto desas modificacións.

Trixésimo. O 12.8.2019, o órgano competente en materia de ordenación do territorio e urbanismo informou que a proposta modificada do parque eólico incorpora modificacións para responder ás obxeccións sinaladas no informe do Instituto de Estudos do Territorio e que non alteran o contido do informe do 1.6.2018, ao cal se fai referencia no antecedente de feito noveno deste acordo.

Trixésimo primeiro. O 20.9.2019, unha vez emitidos os informes indicados nos dous puntos anteriores, a promotora achegou os proxectos de execución e sectorial actualizados.

Trixésimo segundo. O 21.2.2020, a promotora achegou a relación de bens e dereitos afectados actualizada e incorporou as modificacións do proxecto, así como a relación de parcelas para as que acadara un acordo amigable coas persoas titulares.

A xefatura territorial notificoulles ás persoas interesadas as modificacións das afeccións sobre as parcelas incluídas na dita RBDA. Para aqueles casos en que non foi posible practicar as notificacións, publicáronse os correspondentes anuncios no Diario Oficial de Galicia, o 3.7.2020, e no Boletín Oficial del Estado, o 9.7.2020.

Trixésimo terceiro. O 14.7.2020, a promotora achegou escrito en relación cos aproveitamentos forestais afectados polo proxecto, segundo os informe emitidos polo Servizo de Montes da Coruña o 19.6.2018 e o 14.11.2018. Entre outras cuestións, manifesta que dispón de autorización do 12.6.2019, da Dirección Xeral de Planificación e Ordenación Forestal, para a ocupación temporal de 39.207 m2 do Monte Campelo, pertencente á Comunidade Autónoma de Galicia, para a construción do parque eólico.

Trixésimo cuarto. O 29.7.2020, a xefatura territorial emitiu o informe sobre o proxecto de execución do parque eólico.

Trixésimo quinto. Con respecto ao estudo de impacto ambiental, solicitáronse informes aos seguintes organismos: Dirección Xeral de Patrimonio Cultural, Dirección Xeral de Patrimonio Natural, Dirección Xeral de Saúde Publica, Instituto de Estudos do Territorio, Axencia Turismo de Galicia, Augas de Galicia, Subdirección Xeral de Planificación e Protección Civil da Dirección Xeral de Emerxencias e Interior, Concello de Coristanco e Concello de Santa Comba.

Cumprimentada a tramitación ambiental, o 29.12.2020 a Dirección Xeral de Calidade Ambiental, Sostibilidade e Cambio Climático formulou a declaración de impacto ambiental relativa ao parque eólico, que se fixo pública mediante o Anuncio do 30 de decembro de 2020, desa dirección xeral (DOG núm. 12, do 20 de xaneiro de 2021).

Trixésimo sexto. O 12.4.2021, o Instituto de Estudos do Territorio informou que, de acordo co establecido na disposición transitoria única do Decreto 238/2020, do 29 de decembro, polo que se aproban as Directrices de paisaxe de Galicia, non é obrigatorio que o proxecto do parque eólico adapte o seu contido ás ditas directrices.

Trixésimo sétimo. O 15.4.2021, en resposta ao escrito deste dirección xeral do 6.4.2021 en que se lle remitía o escrito achegado pola promotora o 14.7.2020, a Dirección Xeral de Planificación e Ordenación Forestal remitiu o informe do Servizo de Montes da Coruña do 9.4.2021, no que se ratifica no informado o 14.11.2018 (antecedente de feito décimo noveno).

Trixésimo oitavo. O 26.4.2021, a xefatura territorial, unha vez efectuado o trámite de audiencia ás sociedades titulares dos dereitos mineiros, e remitidas as alegacións recibidas á promotora para a súa contestación, emitiu informe en relación coa compatibilidade do parque eólico cos ditos dereitos, de acordo co previsto no artigo 45.4 da Lei 8/2009, do 22 de decembro.

Trixésimo noveno. O 27.5.2021, a promotora actualizou a relación de bens e dereitos afectados polo parque eólico, como consecuencia dos novos acordos acadados, e reduciu a relación de parcelas de necesaria ocupación.

Cuadraxésimo. O 21.6.2021, esta dirección xeral efectuou o trámite de audiencia previsto no artigo 45.3 da Lei 8/2009, do 22 de decembro, e concedeulle ao Concello de Coristanco, como titular do monte Braña Rubia, un prazo de quince días para presentar as alegacións que considerasen oportunas. Transcorrido o dito prazo, non se recibiron alegacións.

Cuadraxésimo primeiro. Mediante oficio do 28.9.2021, a Dirección Xeral de Planificación e Ordenación Forestal remitiu o informe emitido polo Servizo de Montes da Coruña o 17.9.2021, de acordo co previsto no artigo 45.4 da Lei 8/2009, do 22 de decembro

Cuadraxésimo segundo. O parque eólico conta cos dereitos de acceso e conexión vixentes á rede de transporte para a potencia obxecto desta autorización (40,5 MW), de acordo cos informes do xestor da dita rede do 3.4.2018 e do 4.7.2018.

Aos antecedentes de feito descritos sonlle de aplicación os seguintes

Fundamentos de dereito:

Primeiro. O Consello da Xunta de Galicia é competente para resolver este procedemento con fundamento no Estatuto de autonomía de Galicia e na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de compensación ambiental, modificada pola disposición derradeira sétima da Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro) e pola Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).

Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, e pola Lei 9/2021, do 25 de febreiro; na Lei 39/2015, do 1 de outubro, do procedemento administrativo común das administracións públicas, e demais normas vixentes de aplicación.

Terceiro. En relación coas alegacións presentadas durante a tramitación do expediente, recollidas no anexo 1 deste acordo, visto o seu contido e as respostas efectuadas pola promotora, cómpre manifestar o seguinte:

1. En canto ás alegacións relacionadas coa titularidade e características dos bens e dereitos afectados (localización, extensión, tipo de aproveitamento,...), cómpre indicar que se tomou razón de todas as manifestacións e documentación achegadas polas persoas alegantes. Non obstante, corresponde á fase de levantamento de actas previas, dentro do eventual procedemento expropiador, a determinación efectiva da titularidade dos bens e dereitos afectados e das súas características (localización, extensión, tipo de aproveitamento,...), así como das afeccións reais do proxecto sobre eles.

No que respecta ás compensacións polas afeccións xeradas polo proxecto, no caso de que non se chegase a un acordo entre a promotora e as persoas afectadas durante o procedemento expropiador, fixaranse as compensacións correspondentes de acordo coa lexislación aplicable.

2. No que respecta ás alegacións relativas ás afeccións derivadas das distancias previstas na Lei 3/2007, do 9 de abril, de prevención e defensa contra os incendios forestais de Galicia, o promotor deberá cumprir coas prescricións da dita lei que resulten de aplicación.

3. No que respecta á concorrencia de utilidades ou intereses públicos, tal e como queda acreditado nos antecedentes deste acordo, efectuáronse os trámites previstos no artigo 45 da Lei 8/2009, do 22 de decembro.

4. No que respecta ás alegacións de carácter urbanístico, estas serán tidas en conta para a emisión do informe ao que fai referencia o artigo 40.1 da Lei 8/2009, do 22 de decembro, en relación co proxecto sectorial do parque eólico. En todo caso, o proxecto que se aproba mediante este acordo conta con informe da Dirección Xeral de Ordenación do Territorio e Urbanismo como se recolle nos antecedentes de feito noveno e trixésimo.

5. Tal e como se recolle nos antecedentes de feito trixésimo cuarto e cuadraxésimo segundo deste acordo, o parque eólico conta, respectivamente, co informe relativo á normativa de instalacións industriais e eléctricas, así como cos permisos de acceso e conexión á rede de transporte para a potencia obxecto desta autorización.

6. Na tramitación da declaración de interese especial do proxecto cumpríronse os requisitos e seguiuse o procedemento establecidos na disposición adicional primeira da Lei 8/2009, do 22 de decembro, introducida pola Lei 5/2017, do 19 de outubro, de fomento da implantación de iniciativas empresariais en Galicia.

7. No relativo ás afeccións de carácter ambiental do proxecto e afeccións ao patrimonio cultural, natural e paisaxístico, e aquelas referentes aos niveis de ruído e ao efecto shadow flicker, así como os posibles efectos acumulativos ou sinérxicos, cabe indicar que este proxecto foi sometido ao trámite de avaliación de impacto ambiental que corresponde, resultado do cal se formulou pola Dirección Xeral de Calidade Ambiental, Sostibilidade e Cambio Climático o 29.12.2020 a declaración de impacto ambiental, con carácter previo á autorización do parque eólico, onde se recollen as condicións desde un punto de vista ambiental en que se pode desenvolver o proxecto, así como as medidas correctoras e compensatorias necesarias.

Durante o trámite de avaliación de impacto ambiental ao cal o proxecto foi sometido, recibíronse informes dos seguintes organismos: Dirección Xeral de Patrimonio Cultural, Dirección Xeral de Patrimonio Natural, Dirección Xeral de Saúde Publica, Instituto de Estudos do Territorio, Axencia de Turismo de Galicia, Augas de Galicia, Subdirección Xeral de Planificación e Protección Civil da Dirección Xeral de Emerxencias e Interior e Concello de Coristanco.

8. Con respecto á fragmentación dos expedientes dos parques eólicos Bustelo (IN408A 2017/02), Monte Toural (IN408A 2017/17) e Campelo (IN661A 2011/16), así como da LAT 220 kV Campelo-Mesón (IN408A 2018/14), cómpre efectuar as seguintes consideracións:

A Lei 21/2013, do 9 de decembro, de avaliación ambiental, define o fraccionamento de proxectos como o «mecanismo artificioso de división dun proxecto co obxectivo de evitar a avaliación de impacto ambiental ordinaria, no caso de que a suma das magnitudes supere os limiares establecidos no anexo I». O pretendido fraccionamento tería como fin último eludir a avaliación ambiental ordinaria. Porén, no caso de parques eólicos próximos entre si, non é posible (mediante o fraccionamento) evitar o seu sometemento ao procedemento ordinario de avaliación ambiental, pola obriga de considerar os efectos sinérxicos ou acumulativos con outros parques xa construídos e/ou avaliados.

Así, no ámbito dos parques eólicos, o referido anexo I establece que estarán sometidas á avaliación ambiental ordinaria, entre outras, as «instalacións para a utilización da forza do vento para a produción de enerxía (parques eólicos) que teñan 50 ou máis aeroxeradores, ou que teñan máis de 30 MW ou que se encontren a menos de 2 km doutro parque eólico en funcionamento, en construción, con autorización administrativa ou con declaración de impacto ambiental».

Polo tanto, no caso das instalacións de aproveitamento eólico, o fraccionamento que se alega de adverso non produce os efectos denunciados (evitar que o proxecto teña que ser sometido a unha avaliación ambiental ordinaria). Dito en outras palabras, as presuntas vantaxes que desde o punto de vista da tramitación ambiental podería ter un fraccionamento non son tales, xa que a existencia doutros parques eólicos nas proximidades obriga á realización do trámite ambiental ordinario para o novo parque.

Por outra banda, a Lei 21/2013 obriga a que os estudos de impacto ambiental que presenten os promotores deban incluír os efectos sinérxicos ou acumulativos derivados da existencia doutros parques eólicos ou outro tipo de instalacións nas proximidades. Polo tanto, ese suposto «fraccionamentos» dos proxectos non evita que a avaliación ambiental deba ter en conta o efecto derivado da proximidade doutras instalacións e infraestruturas.

O estudo de impacto ambiental do parque eólico obxecto do presente acordo, inclúe un estudo dos efectos sinérxicos con parques eólicos e liñas eléctricas situadas na súa contorna, entre eles os parques eólicos de Bustelo e Monte Toural, así como a LAT 220 kV Campelo-Mesón, que constitúe a liña eléctrica de evacuación destes tres parques.

Cómpre sinalar que nada impide, desde o punto de vista da lexislación ambiental e do sector eléctrico, a execución de parques próximos entre si por parte dun mesmo ou distintos promotores e compartindo certas instalacións. Así o ten declarado o Tribunal Supremo na súa Sentenza do 11 de decembro de 2013 cando di que «...unha cosa é que os distintos elementos e instalacións dun parque eólico deban ter unha consideración unitaria e outra que isto impida que poidan existir parques próximos e que estes poidan compartir a ubicación dalgúns elementos ou a liña de vertido á rede».

Pola contra, tanto a Lei 24/2013, do 26 de decembro, do sector eléctrico como o Real decreto 1955/2000, do 1 de decembro, polo que se regulan as actividades de transporte, distribución, comercialización, subministro e procedementos de autorización de instalacións de enerxía eléctrica, así como o Real decreto 1183/2020, do 29 de decembro, de acceso e conexión ás redes de transporte e distribución de enerxía eléctrica, obrigan a que se compartan as infraestruturas de evacuación, precisamente para evitar un maior impacto ambiental. En concreto, a disposición final segunda do Real decreto 1183/2020, modifica o Real decreto 1955/2000 para condicionar a autorización administrativa das infraestruturas de evacuación á presentación, por parte dos titulares das ditas liñas de evacuación, dun documento que acredite a existencia dun acordo vinculante para o uso compartido destas por parte de todos os titulares de permisos de acceso e conexión na mesma posición de liña. En palabras do Alto Tribunal, na devandita Sentenza do 11 de decembro de 2013, «non podería darse un tratamento separado a grupos de aeroxeradores de forma artificiosa e tratalos como parques autónomos, ou duplicar instalacións co mesmo fin, posto que comportaría efectivamente unha fraude de lei que, á marxe do seu maior impacto ambiental, podería supoñer unha alteración da competencia ou unha evitación de maiores exixencias ambientais».

Pola súa parte, a Lei 8/2009 define parque eólico como a instalación de produción de electricidade a partir de enerxía eólica, constituída por un ou varios aeroxeradores interconectados electricamente con liñas propias, que comparten unha mesma estrutura de accesos e control, con medición de enerxía propia, así como coa obra civil necesaria. Polo tanto, de acordo con esta definición, pode colixirse o carácter unitario dun parque e considerarse autónomo e independente sempre que teña capacidade de funcionamento separado, sen prexuízo de que comparta infraestruturas de evacuación con outros parques. É máis, compartir infraestruturas de evacuación supón, como é lóxico, un menor impacto ambiental, obxectivo que se persegue neste tipo de instalacións. Nesta mesma liña, a utilización de accesos comúns supón un uso máis racional do terreo, coa redución de superficies afectadas polas instalacións.

No que respecta á definición de instalacións de conexión a Lei 8/2009 remítese ao establecido no artigo 30 do mencionado Real decreto 1955/2000, do 1 de decembro, entendendo por instalacións de conexión de centrais de xeración aquelas que sirvan de ligazón entre unha ou varias centrais de xeración de enerxía eléctrica e a correspondente instalación de transporte ou distribución, incluíndo liñas e subestacións.

Neste caso concreto, e como xa se mencionou, o parque eólico Campelo comparte infraestruturas de evacuación cos parques eólicos de Bustelo e Monte Toural, o que non impide que os tres teñan carácter unitario e que poidan funcionar de forma independente, posto que cada un deles dispón dos correspondentes equipos de corte e medida da enerxía, e que ao mesmo tempo supón unha redución dos impactos ambientais xerados.

9. No que respecta á validez e aplicación do Plan sectorial eólico de Galicia, cómpre subliñar que este segue vixente e resulta plenamente aplicable. A Lei 8/2009, do 22 de decembro, reiterando neste punto o disposto no anterior Decreto 302/2001, do 25 de outubro, polo que se regula o aproveitamento da enerxía eólica na Comunidade Autónoma de Galicia, ampara a plena vixencia e aplicabilidade do plan preexistente en tanto non se aprobe o novo previsto, ao establecer na súa disposición transitoria terceira que «en tanto non se aprobe un novo plan sectorial eólico de Galicia entenderase aplicable o actualmente vixente en todo aquilo que non se opoña ao establecido nesta lei».

Á marxe do anterior, cómpre lembrar que na tramitación de cada procedemento de autorización de parques eólicos a Administración observa a normativa ambiental en vigor, coa incorporación aos expedientes dos informes e actuacións legalmente exixibles.

Cuarto. En relación coa compatibilidade entre o parque eólico e os dereitos mineiros que afectan a súa poligonal, a xefatura territorial emitiu informe o 26.4.2021 (antecedente de feito trixésimo oitavo), en que se conclúe o seguinte:

«(…) Analizada a documentación que consta da peza separada sobre o trámite de compatibilidade correspondente ao trámite de autorización administrativa previa e declaración de utilidade pública do parque eólico Campelo, e en concreto o informe técnico elaborado por persoal facultativo deste servizo, conclúense os seguintes aspectos:

1. A solicitude de permiso de investigación Monte Castelo, núm. 7086, consta actualmente como cancelada, polo que non debe ser tido en conta no expediente de compatibilidade.

2. O proxecto de parque eólico Campelo é compatible coa solicitude de permiso de investigación Cortegana, núm. 7143, xa que á vista dos dous proxectos non se acreditan interferencias entre as actuacións previstas.

3. O proxecto de parque eólico Campelo é compatible coa concesión Carmen e demasías, núm. 1807, xa que o proxecto de parque eólico non afecta as labores mineiras recollidas no proxecto de explotación vixente, nin están acreditadas reservas mineiras susceptibles de ser explotadas na zona de implantación das instalacións do parque eólico. En relación á posible existencia dos recursos níquel, cobre e cobalto, na zona de implantación do parque, non está acreditada a existencia de reservas explotables. En todo caso, se como resultado das oportunas labores de investigación se acredita a existencia de reservas mineiras explotables, o titular da concesión de explotación, no momento de tramitar a imprescindible solicitude de ampliación do recurso mineiro e o proxecto de explotación, poderá exercer os seus dereitos segundo o establecido no artigo 21 da Lei 3/2008, do 23 de maio, de ordenación da minaría de Galicia, en relación co título X da Lei 22/1973, do 21 de maio, de minas e o seu regulamento, así como no artigo 59 da Lei 24/2013, do 26 de decembro, do sector eléctrico».

Quinto. No que respecta á compatibilidade do parque eólico cos montes afectados, e de acordo co establecido no artigo 45.4 da Lei 8/2009, do 22 de decembro, o 17.9.2021 o Servizo de Montes da Coruña emitiu o informe que se transcribe a continuación:

«Asunto: solicitude do informe previsto no artigo 45.4 da Lei 8/2009, do 22 de decembro, realizada pola Dirección Xeral de Planificación Enerxética e Recursos Naturais a través da xefa do Servizo da Propiedade Forestal.

No que respecta ao monte Braña Rubia, trátase dun monte público comunal propiedade do concello de Coristanco, inscrito no Rexistro da Propiedade de Carballo (folio 177, libro 78 de Coristanco, tomo 576, entre outras), e xestionado pola Administración forestal da Xunta de Galicia (Consellería do Medio Rural), mediante un convenio (número de elenco 1516502) subscrito o 19.5.1995, que transformou o consorcio anterior subscrito polo Patrimonio Forestal do Estado co Concello de Coristanco o 7.1.1963. A superficie actual do convenio é de 101,87 ha, tras a rescisión de 11,48 realizada o 26.12.1997 para uso de pasteiro e outros fins para os veciños de Seavia.

No relativo ao parque eólico Campelo, segundo o DOG do 21.9.2018, afectaríalle 1.709 m2 de servidume de vías nunha zona reforestada con Pinus radiata de 23 anos, segundo informa o distrito forestal. Segundo comunica a empresa promotora, a afectación real na relación de bens e dereitos afectados comunicada o 27.5.2021 á Subdirección Xeral de Enerxía é de só 438 m² de servidume de paso de viario; non sendo o viario existente de uso público obxecto de expropiación pola súa condición. A reforma deste viario afecta a uns 300 ml do predio e supón a obriga da retirada das plantacións forestais na franxa de seguridade que establece a lexislación forestal e a xestión nela da biomasa. En calquera caso, a superficie afectada do monte Braña Rubia sería moi reducida (menos de media hectárea contando a faixa de xestión da biomasa), polo que o aproveitamento actual do monte non se ve afectado de maneira significativa (<1 % da súa superficie). Considéranse compatibles ambos os dous aproveitamentos.

Advertímoslle que a entidade expropiante debe ter en conta o dereito real sobre o voo afectado que ten a Consellería do Medio Rural en virtude do convenio subscrito. Ademais, a expropiación debe considerar a perda produtiva nunha faixa de 6 metros desde o límite exterior dos movementos de terra da pista consonte o anexo II da Lei 7/2012, de montes de Galicia; o que supón uns 1.800 m2».

Sexto. A seguir recóllese a información exixida nas letras a) e b) do artigo 42.2 da Lei 21/2013, do 9 de decembro, de avaliación ambiental, con respecto á declaración de impacto ambiental (DIA) das instalacións do parque eólico Campelo, formulada pola Dirección Xeral de Calidade Ambiental, Sostibilidade e Cambio Climático o 29.12.2020, e recollida no antecedente de feito trixésimo quinto deste acordo:

a) Na epígrafe 6 da DIA recóllese a proposta de resolución, que literalmente di: «Logo de finalizar a análise técnica do expediente de avaliación de impacto ambiental, proponse formular a declaración de impacto ambiental do proxecto nos termos recollidos ao longo deste documento, en cumprimento do disposto no artigo 41 da Lei 21/2013, do 9 de decembro, de avaliación ambiental».

b) A DIA que nos ocupa refírese ás instalacións do parque eólico Campelo.

Nas epígrafes 4 e 5 da DIA recóllense as condicións que complementan, matizan ou subliñan as incluídas no estudo de impacto ambiental e a restante documentación avaliada, distribuídas nos seguintes ámbitos:

4.1. Condicións particulares.

4.2. Condicións xerais.

4.2.1. Protección da atmosfera.

4.2.2. Protección das augas e leitos fluviais.

4.2.3. Protección do solo e infraestruturas.

4.2.4. Xestión de residuos.

4.2.5. Protección da fauna, vexetación e hábitats naturais.

4.2.6. Integración paisaxística e restauración.

4.3. Outras condicións.

5. Programa de vixilancia e seguimento ambiental.

De acordo con todo o que antecede, e no exercicio das competencias que ten atribuídas, o Consello da Xunta de Galicia adopta o seguinte acordo:

Primeiro. Outorgar a autorización administrativa previa ás instalacións do parque eólico Campelo, situado nos concellos de Coristanco e Santa Comba (A Coruña) e promovido pola sociedade Greenalia Wind Power Campelo, S.L.U., cunha potencia de 40,5 MW.

Segundo. Outorgar a autorización administrativa de construción ao proxecto de execución das instalacións do parque eólico Campelo, composto polo documento «Proyecto de ejecución del parque eólico Campelo, en los términos municipales de Coristanco y Santa Comba (A Coruña)», asinado pola enxeñeira de minas María Moreno Martínez, colexiada núm. 3229 do Colegio Oficial de Ingenieros de Minas del Noroeste (COIMNE) e visado do 19.9.2019 (folio 55-asento 438).

As características principais recollidas no proxecto son as seguintes:

Solicitante: Greenalia Wind Power Campelo, S.L.U.

Domicilio social: praza María Pita, núm. 10, 1º andar, 15001 A Coruña.

Denominación: parque eólico Campelo.

Concellos afectados: Coristanco e Santa Comba (A Coruña).

Potencia que se vai instalar: 40,5 MW.

Produción neta anual estimada: 123,469 GWh/ano.

Horas anuais equivalentes: 3.049 horas.

Orzamento total con IVE: 42.539.763,95 €.

Coordenadas da poligonal do parque eólico:

Poligonal	Parque eólico Campelo
	ETRS89
	UTM29N-X	UTM29N-Y
1	517.875	4.776.786
2	521.875	4.776.786
3	521.875	4.769.786
4	517.875	4.769.786

Coordenadas dos aeroxeradores do parque eólico:

Aeroxeradores	Parque eólico Campelo
	ETRS89		Concello
UTM29N-X	UTM29N-Y
SR 01	520.873	4.776.358	Coristanco
SR 02	521.189	4.776.290	Coristanco
SR 05	519.732	4.775.709	Coristanco
SR 06	519.165	4.775.097	Coristanco
SR 07	519.433	4.774.866	Coristanco
SR 08	518.430	4.774.689	Coristanco
SR 09	518.933	4.774.226	Coristanco
SR 10	519.152	4.773.964	Coristanco
SR 11	519.305	4.771.275	Santa Comba

Coordenadas da subestación do parque eólico:

SET	Parque eólico Campelo
	ETRS89
	UTM29N-X	UTM29N-Y
SET Campelo	519.283	4.774.646

Coordenadas da torre meteorolóxica do parque eólico:

Torre meteorolóxica	Parque eólico Campelo
	ETRS89
	UTM29N-X	UTM29N-Y
TM.1	519.685	4.775.447

Características técnicas das instalacións eléctricas de produción, interconexión e transformación:

– 9 aeroxeradores Lagerwey LE 136, cunha altura ata a buxa de 111 m e un diámetro de rotor de 136 m, con xerador síncrono de 4,5 MW de potencia nominal unitaria e cos seus correspondentes centros de transformación montados en góndola con potencia unitaria de 5.000 kVA de relación de transformación de 0,69/30 kV, montados sobre fuste tubular metálico.

– Rede eléctrica soterrada a 30 kV, de interconexión entre os centros de transformación dos aeroxeradores e o centro seccionamento control/colector do parque eólico composta por 2 circuítos con condutores tipo RHZ1-OL 18/30 kV (Al) 1×(3×240), 1×(3×630), 1×(3×400) e 2×(3×400) mm2 nos correspondentes tramos, e 1 circuíto de saída (evacuación) con condutor tipo RHZ1-OL 18/30 kV (Al) 3×(3×400), con orixe no centro control/colector e final na SET proxectada.

– Subestación eléctrica transformadora de evacuación de tipo híbrido cos seguintes elementos principais:

• Transformador de potencia intemperie, trifásico, de baño en aceite, de potencia nominal aparente 120/140 MVA ONAN/ONAF, relación de transformación 220/30 kV e grupo de conexión YNd11.

• Parque de 220 kV. Unha posición común para saída de liña e trafo con aparamenta en módulo compacto PASS con funcións de seccionamento de liña, interruptor e transformadores de intensidade.

• Parque de 30 kV en edificio:

- Posición de liña circuíto 1 (PE Campelo): 1 cela entrada e protección.

- Posición de liña circuíto 2 (PE Bustelo): 1 cela entrada e protección.

- Posición de liña circuíto 3 (PE Monte Toural): 1 cela entrada e protección.

- Posición de trafo.

- Posición de medida de tensión en barras de 30 kV.

- Posición de trafo de servizos auxiliares.

- Cinco celas de media tensión: 3 celas de entrada de liña (evacuación parques eólicos), cela de medida de tensión e saída de liña a trafo da SET e cela de protección xeral e servizos auxiliares.

• Centro de control en edificio que conterá 4 celas coa seguinte configuración: cela de entrada (circuíto 1), cela de entrada (circuíto 2), cela de protección xeral e cela de medida e saída á SET proxectada.

• Transformador de servizos auxiliares de 50 kVA e 30.000/400 V.

– Rede de terras xeral, de xeito que as instalacións electromecánicas e centro de control/colector do parque eólico forman un conxunto equipotencial. A rede de terras dos aeroxeradores será con condutor Cu-50 mm2 e a da SET (incluído centro de control) con Cu-95.

– 1 torre meteorolóxica.

Terceiro. Declarar a utilidade pública, en concreto, das instalacións do parque eólico, segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa do 16 de decembro de 1954 (BOE núm. 351, do 17 de decembro).

Cuarto. Declarar a compatibilidade do parque eólico coa solicitude de permiso de investigación da sección C Cortegana, núm. 7143, e coa concesión de explotación da sección C Carmen e demasías, núm. 1807.

Quinto. Declarar a compatibilidade do parque eólico co monte Braña Rubia, nos termos establecidos no informe do Servizo de Montes da Coruña do 17.9.2021.

A presente autorización axustarase ao cumprimento das seguintes condicións:

1. Consonte o disposto no artigo 4 do Decreto 455/1996, do 7 de novembro, de fianzas en materia ambiental, Greenalia Wind Power Campelo, S.L.U. constituirá, con carácter previo ao inicio das obras, unha fianza para garantir o cumprimento do deber de restaurar os terreos ocupados polo parque eólico na fase de obras. O importe da fianza fíxase, por proposta da Dirección Xeral de Calidade Ambiental, Sostibilidade e Cambio Climático, en 243.699 euros.

A dita fianza depositarase na Caixa Xeral de Depósitos da Consellería de Facenda e Administración Pública da Xunta de Galicia, en calquera das formas sinaladas no artigo 11.3 do Decreto 1775/1967, do 22 de xullo, sobre réxime de instalación, ampliación e traslado de industrias. A súa devolución efectuarase de acordo co establecido no artigo 6 do Decreto 455/1996, do 7 de novembro, unha vez depositada a fianza para garantir o deber de restaurar os terreos ocupados na fase de desmantelamento.

2. Para a inscrición da instalación no Rexistro Autonómico creado pola Orde da Consellería de Industria e Comercio do 5 de xuño de 1995 (DOG núm. 135, do 14 de xullo), a promotora efectuará a correspondente solicitude, de acordo co procedemento regulamentariamente establecido.

3. A instalación adaptarase ao procedemento de captación e procesamento de datos de produción de enerxía eléctrica de Galicia regulamentado pola Orde da Consellería de Innovación e Industria, do 23 de xaneiro de 2009, pola que se establece o procedemento para a captación e procesamento dos datos de produción enerxética das instalacións acollidas ao réxime especial de produción de enerxía eléctrica na Comunidade Autónoma de Galicia (DOG núm. 37, do 23 de febreiro).

4. Conxuntamente coa solicitude de autorización de explotación das instalacións a promotora deberá presentar, ante a Xefatura Territorial, un certificado de final de obra subscrito por técnico facultativo competente, en que conste que a instalación se realizou de acordo coas especificacións contidas no proxecto de execución aprobado, así como coas prescricións da regulamentación técnica aplicable á materia, de acordo co artigo 132 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Así mesmo, deberá presentar ante a Dirección Xeral de Planificación Enerxética e Recursos Naturais un plano As Built e outro plano cartográfico en formato shape das instalacións do parque eólico.

5. Unha vez construídas as instalacións autorizadas, e con carácter previo á súa posta en servizo, a Xefatura Territorial da Vicepresidencia Segunda e Consellería de Economía, Empresa e Innovación da Coruña inspeccionará a totalidade das obras e montaxes efectuados e verificará o cumprimento das condicións establecidas neste acordo e as demais que sexan de aplicación.

6. En caso de que se manifestasen perturbacións na recepción do sinal de televisión, directamente atribuíbles ás instalacións do parque eólico, Greenalia Wind Power Campelo, S.L.U. deberá adoptar as medidas necesarias para devolverlle á recepción do sinal as anteriores condicións de calidade.

7. De conformidade coa disposición transitoria cuarta da Lei 5/2017, do 19 de outubro, de fomento da implantación de iniciativas empresariais en Galicia, a promotora disporá dun prazo de tres anos, contados desde a notificación da autorización administrativa de construción, para solicitar a correspondente autorización de explotación. En caso de incumprimento, poderá producirse a revogación das mencionadas autorizacións nos termos establecidos no punto 10 do artigo 53 da Lei 24/2013, do 26 de decembro, do sector eléctrico, ou norma que a substitúa.

8. O parque eólico deberá cumprir cos requisitos que se recollan nos procedementos de operación aprobados polo Ministerio para a Transición Ecolóxica e o Reto Demográfico, que lle resulten de aplicación.

9. De acordo co establecido no artigo 53.10 da Lei 24/2013, do 26 de decembro, do sector eléctrico, o incumprimento das condicións e requisitos establecidos nas autorizacións ou a variación substancial dos presupostos que determinaron o seu outorgamento poderán dar lugar á revogación das autorizacións, logo de audiencia do interesado.

10. A promotora deberá dar cumprimento a todas as condicións establecidas na declaración de impacto ambiental do 29.12.2020, así como ás establecidas no correspondente programa de vixilancia e seguimento ambiental.

11. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

12. Este acordo publicarase no Diario Oficial de Galicia e no Boletín Oficial da provincia da Coruña, de acordo co establecido no artigo 34 da Lei 8/2009, do 22 de decembro, e no artigo 148 do Real decreto 1955/2000, do 1 de decembro.

Contra este acto, que pon fin á vía administrativa, poderase interpoñer recurso potestativo de reposición no prazo dun mes contado desde o día seguinte ao da súa notificación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ao da notificación deste acordo, de conformidade co establecido nos artigos 10, 14 e 46.1 da Lei 29/1998, do 13 de xullo, reguladora da xurisdición contencioso-administrativa, sen prexuízo de que os interesados poidan interpoñer calquera outro recurso que consideren pertinente.

ANEXO 1

Alegacións presentadas durante a tramitación do expediente

José Andrade Antelo, en representación de Alfonso Andrade Antelo, o 9.7.2018; Manuel Fernández Abelenda, o 8.6.2018; José Sande Sande, o 13.6.2018; Ermencina Andrade Antelo, o 13.6.2018; Adolfo Porteiro Pose o 21.6.2018; Margarita Lavandeira García, María Lavandeira García, Roberto Lavandeira Barca e Mercedes Barca Martínez, o 25.6.2018; Ermencina Rial Mourelle, o 19.6.2018; Manuel Pena Novo, o 19.6.2018; María Dolores Calvo Maroñas, o 19.6.2018; José Manuel Negreira Suárez, o 25.6.2018; Florentina Orgeira Rey, o 22.6.2018; Sara Souto Velo, o 25.6.2018; María Carmen García Couto e Estrella García Couto, o 12.6.2018; María Elena Mancebo Facal, o 6.6.2018; Francisco Rial Recarey, o 20.6.2018; Daniel Porteiro Rial, o 21.6.2018; José Sande Sande, o 26.6.2018; Carmen Rial Mourelle, o 28.6.2018; Hermitas Rial Mourelle, o 29.6.2018; Asociación para a Defensa Ecolóxica de Galiza, o 5.7.2018; Laura Mariño Taibo, o 9.7.2018; Manuel Rial Mourelle, o 9.7.2018; Luciano Rial Mourelle, o 9.7.2018; Adolfo Porteiro Pose, o 9.7.2018; José Manuel Menéndez Varela, en representación da Asociación Ambiental Senda Nova, o 9.7.2018; María Blandina Rial Mourelle, o 9.7.2018; Carmen Rial Mourelle, o 9.7.2018; Ermencina Rial Mourelle, o 9.7.2018; Hermitas Rial Mourelle, o 9.7.2018; José Ramón Suárez Osinde, en representación de María Mercedes Abelenda Velo, o 22.6.2018; José Ramón Suárez Osinde, en representación de María Begoña Pose Antelo e outros, o 26.6.2018; José Ramón Suárez Osinde, en representación de Estrella Abelenda Velo, o 26.6.2018; José Cancela Andrade, o 27.6.2018; Manuel Pena Novo, o 28.6.2018; Antonio Ferreño Boga, o 2.7.2018; Ricardo Ferreiro Sanjurjo, en representación do Grupo Naturalista Hábitat, o 9.7.2018; Ismael Antonio López Pérez, en representación da Asociación Ambiental Petón do Lobo, María Carmen Velo Calvo, en representación da Asociación Ambiental Cova Crea, e Ana M. Varela Velo, en representación da Asociación Amigos e Amigas dos Bosques, o 9.7.2018; Baldomero Pena Suárez, o 6.7.2018; Celestino Vázquez Estraviz, en representación de Plafor, S.A., o 18.7.2018; José Manuel Corbal Debén, en representación de Corcel Minerals, S.L., o 3.7.2018; Dolores Teijeiro Rial, o 18.7.2018; Ermencina Andrade Antelo, o 2.7.2018; José Manuel Cordeiro Mouro, o 3.7.2018; Laura Mariño Taibo, o 18.7.2018; Ramón Gerpe Gómez, o 6.7.2018. Ermencina Rial Mourelle, o 10.10.2018; Dosinda Raña Cancela, o 10.10.2018; María Elena Couto García, o 10.10.2018; Jesús Pastoriza Negreira, o 10.10.2018; José Pastoriza Negreira, o 10.10.2018; José María Cancela Rey, o 10.10.2018; Manuel Facal Recarey, o 10.10.2018; Rogelio Lista Torres, o 10.10.2018; José Antonio Taibo Trigo, o 10.10.2018; José Manuel Vázquez Mayo, o 10.10.2018; Estrella García Vázquez, o 10.10.2018; Xoán Antón Vázquez Rial, o 10.10.2018; Manuel Pena Novo, o 10.10.2018; Fernando Mariño Castro, o 10.10.2018; Carmen Velo Rial, o 10.10.2018; Isaura Pose Velo, o 10.10.2018; José Antonio Villar Suárez, o 10.10.2018; Rosa María Ameijeiras García, o 10.10.2018; Josefa Calvo Vázquez, o 10.10.2018; Viviana Grille Couto, o 10.10.2018; Mercedes Mourelle Villas, o 11.10.2018; Clarisa García Mourelle, o 11.10.2018; Perfecto Daniel Pérez Pensado, o 11.10.2018; Estefanía Domínguez Pensado, o 11.10.2018; María Carmen Pensado Mato, o 11.10.2018; Silvia Villar Lema, o 11.10.2018; Manuel Graíño Abelenda, o 11.10.2018; Jesusa Lema Sanjurjo, o 11.10.2018; Carmen Pérez García, o 11.10.2018; Diego Regueira Lema, o 11.10.2018; María Luz Dubra Pensado, o 11.10.2018; Placeres Pensado Vila, o 11.10.2018; Ricardo Graíño Pensado, o 11.10.2018; Marcelino Pensado Pensado, o 11.10.2018; José Pensado Pensado, o 11.10.2018; Jesús Domínguez Pensado, o 11.10.2018; Francisco Regueira Fuentes, o 11.10.2018; Pamela Negreira García, o 11.10.2018; Manuel Cancela Álvarez, o 11.10.2018; Mario Cancela Iglesias, o 11.10.2018; María Erundina Iglesias Barreiro, o 11.10.2018; Pedro García Mourelle, o 11.10.2018; Dolores Fuentes Varela, o 11.10.2018; Cristina Porteiro Rial, o 11.10.2018; José Porteiro Pose, o 11.10.2018; Sara Velo Barca, o 11.10.2018; Dolores Rial Souto, o 11.10.2018; Daniel Porteiro Rial, o 11.10.2018; Adolfo Porteiro Pose, o 11.10.2018; Alberto Pena Rial, o 11.10.2018; BNG (Coristanco), o 14.10.2018; María José Pardiño Rial, o 15.10.2018; Purificación Abelenda Couto, o 15.10.2018; Rubén Rial Abelenda, o 15.10.2018; Juan Ramón Sanjurjo Martínez, o 15.10.2018; Lourdes Pardiño Rial, o 15.10.2018; Antonio Pardiño Fernández, o 15.10.2018; Yolanda Rial Abelenda, o 15.10.2018; Eneas Manuel Rial Abelenda, o 15.10.2018; Manuel Rial Mourelle, o 15.10.2018; María Carmen Rial Abelenda, o 15.10.2018; María do Carme Pardiño Rial, o 15.10.2018; María Blandina Rial Mourelle, o 15.10.2018; Carmen Rial Mourelle, o 15.10.2018; José Antonio Rojo Rojo, o 15.10.2018; Celia García Fernández, o 15.10.2018; José Manuel Lorenzo Quintana, o 15.10.2018; Andrea Mourelle Lista, o 15.10.2018; María del Carmen Lista Álvarez, o 15.10.2018; Lucinda Álvarez Gómez, o 15.10.2018; Manuel Negreira Abelenda, o 15.10.2018; Leonor Lista Álvarez, o 15.10.2018; Isabel Domínguez Pensado, o 15.10.2018; Soledad Vázquez Reyes, o 15.10.2018; Dina Abelenda García, o 15.10.2018; José Luis Pensado Vila, o 15.10.2018; Ramiro Fernández Pose, o 15.10.2018; Souto Álvarez, Damián 15.10.2018; Jesús Manuel Pensado Vila, o 15.10.2018; Montserrat Facal Rodríguez, o 15.10.2018; Dolores Álvarez Pensado, o 15.10.2018; José Calvelo Gende, o 15.10.2018; Lorena Rosa Gundín Chans, o 15.10.2018; José Antonio Rial Chans, o 15.10.2018; Marcos Pena Rial, o 15.10.2018; Manuel Cores Cores, o 15.10.2018; Manuel Souto Calvelo, o 15.10.2018; Andrés Costa Fernández, o 15.10.2018; Iván Souto Álvarez, o 15.10.2018; Esperanza Rosende Suárez, o 15.10.2018; María Mercedes Pensado Vila, o 15.10.2018; Rafael Pensado Pérez, o 15.10.2018; Jennifer Otero Picallo, o 15.10.2018; Beatriz Souto Álvarez, o 15.10.2018; José Antonio Pensado Álvarez, o 15.10.2018; Noemí Ferreiro Caamaño, o 15.10.2018; David Ferreiro Rey, o 15.10.2018; David Ferreiro Caamaño, o 15.10.2018; Josefina Caamaño Varela, o 15.10.2018; Carlos Álvarez Pérez, o 15.10.2018; Carmen Abelenda García, o 15.10.2018; Vanessa Rojo Abelenda, o 15.10.2018; María Abelenda Álvarez, o 15.10.2018; Elvira Fernández Mira, o 15.10.2018; Verónica Pensado Domínguez, o 15.10.2018; Jennifer Álvarez Pensado, o 15.10.2018; Carmen Pensado Vila, o 15.10.2018; José Manuel Pazos Pereiro, o 15.10.2018; Manuel Negreira Amarelle, o 15.10.2018; Alfonso Couto García, o 15.10.2018; Eduardo Abelenda Facal, o 15.10.2018; Constantino Pensado Vila, o 15.10.2018; Alejandro Esteban Álvarez Pensado, o 15.10.2018; Fidelina Pensado Vila, o 15.10.2018; Rosa Filgueira Pérez, o 15.10.2018; José Luis Barbeira García, o 15.10.2018; José Ramón España Andrade, o 15.10.2018; Antonio Bardanca García, o 15.10.2018; María Ferreira Rial, o 15.10.2018; Manuel García Mourelle, o 15.10.2018; José Manuel García Blanco, o 15.10.2018; Ana María Cancela Álvarez, o 15.10.2018; José Antonio España Faqué, o 15.10.2018; Elda Pérez Pensado, o 15.10.2018; María Dolores Fidalgo Ferreiro, o 15.10.2018; Jesús Álvarez Pensado, o 15.10.2018; María Aurora Pensado Vila, o 15.10.2018; María García Mourelle, o 15.10.2018; Ramón Nieto Abelenda, o 15.10.2018; Benigna Blanco Barreiro, o 15.10.2018; Jorge Blanco García, o 15.10.2018; Martín Nieto García, o 15.10.2018; Ana Álvarez Fidalgo, o 15.10.2018; Silvia Vieito Liñeira, o 15.10.2018; Noelia García Barreiro, o 15.10.2018; Noelia Ferreiro Caamaño, o 15.10.2018; Gumersindo Campaña Ferro, o 25.10.2018; Margarita Lavandeira García, María Lavandeira García, Roberto Lavandeira Barca, e Mercedes Barca Martínez, o 31.10.2018. Asociación Mulleres Rurais Airiños do Xallas, o 16.5.2019 e o 31.12.2020; Asociación Autonómica Cultural e Ambiental Petón do Lobo, o 1.12.2020 e o 4.2.2021; Carlos Penedo Casmartiño, o 8.2.2021; Asociación Veciñal, Cultural, Deportiva e Recreativa Oza Gaiteira Os Castros, o 10.2.2021; Iria Suárez Cotelo, o 10.2.2021; Roi Veres Martínez, o 10.2.2021; Asociación veciñal, cultural, deportiva e recreativa Agra, o 12.2.2021; Asunción García Vila, o 18.2.2021; José Manuel Antelo García, o 18.2.2021; Ramón Antelo García, o 18.2.2021; María Celeste Ramos Martínez, o 10.3.2021; Carmen Arán Espasandín, o 10.3.2021; Carmen Pombo Rojo, o 10.3.2021; María Marina Landeira, o 10.3.2021; Fernando Lois Blanco, o 10.3.2021; María del Carmen Esmorís Fiuza, o 10.3.2021; Mª Carmen Suárez García, o 10.3.2021; David Currais Recarey, o 10.3.2021; Concepción Lois Blanco, o 10.3.2021; María Celeste Ramos Martínez, o 10.3.2021; María Mercedes Busto García, o 17.3.2021; Carmen Mata Gómez, o 17.3.2021; María Carmen Souto Amarelle, o 17.3.2021; José Vila Ameijeiras, o 17.3.2021; Ramón Fondo Mouro, o 17.3.2021; Florinda Ferrol Recarey, o 17.3.2021; Kevin Fondo Souto, o 17.3.2021; Hermosinda Mourelle Gerpe, o 17.3.2021; José Ameijeiras Couto, o 17.3.2021; Dora Castro Mouro, o 17.3.2021; Francisco Javier Fondo Ferrol, o 17.3.2021; Melanie Mourelle Bornier, o 17.3.2021; José María Mourelle Guillin, o 17.3.2021; José Souto Caamaño, o 17.3.2021; Beatriz Ameijeiras Couto, o 17.3.2021; Hélène Bornier Mourelle, o 17.3.2021; María Carmen Ameijeiras Couso, o 17.3.2021; Miguel Ángel Blanco Mouro, o 17.3.2021; Celestino Blanco Calvo, o 17.3.2021; María del Carmen Pastoriza Ameijeiras, o 17.3.2021; José Manuel Nieto Guardado, o 17.3.2021; Eugenio Pichel López, o 17.3.2021; Antonio Pardiño Fernández, o 26.3.2021; María Matilde Barbeira Calvo, o 26.3.2021; Luis Calvo Maroñas, o 26.3.2021; María Ríos Boquete, o 26.3.2021; Pablo José Mateo Barbeira, o 26.3.2021; María Fraga Ríos, o 26.3.2021; María Susana Ares Toja, o 26.3.2021; Jonathan Pazos Ameijeiras, o 26.3.2021; José Pazos Ameijeiras, o 26.3.2021; Carmen Ameijeiras Gerpe, o 26.3.2021; Roberto Carlos Suárez Fidalgo, o 26.3.2021; José Fraga Boquete, o 26.3.2021; Manuel Gerpe Noya, o 26.3.2021; Verónica Gerpe Calvo, o 26.3.2021; Aurora Barbeira Calvo, o 26.3.2021; Yolanda Rial Abelenda, o 30.3.2021; Josefa Abelenda Couto, o 30.3.2021; Lourdes Pardiño Rial, o 30.3.2021; Alejandro Caramés, o 30.3.2021; Juana Vieites García, o 30.3.2021; Manuel Calvo Ameijeiras, o 30.3.2021; María José Pardiño Rial, o 30.3.2021; José Teijeiro Rial, o 30.3.2021; Maximino Calvo Barbeira, o 30.3.2021; Carmen Rial Mourelle, o 30.3.2021; Andrés Brenlla Lois, o 30.3.2021; José Manuel López Rial, o 30.3.2021; Ana López Calvo, o 30.3.2021; José María Calvo Moure, o 30.3.2021; José María Souto Maroñas, o 30.3.2021; Manuel Souto Soto, o 30.3.2021; Carmen Calvo Ameijeiras, o 30.3.2021; Manuel Gómez, o 30.3.2021; Consuelo Abelenda Couto, o 30.3.2021; María Isabel Abelenda Couto, o 30.3.2021; Purificación Abelenda Couto, o 30.3.2021; Rubén Rial Abelenda, o 30.3.2021; Manuel Rial Mourelle, o 30.3.2021; José Luis Cobas Fernández, o 30.3.2021; Raúl Pérez Fernández, o 30.3.2021; Rocío Ínsua Lema, o 30.3.2021; Cristina Porteiro Rial, o 30.3.2021; Daniel Porteiro Rial, o 30.3.2021; Adolfo Porteiro Pose, o 30.3.2021; Dolores Rial Souto, o 30.3.2021; Ermencina Rial Mourelle, o 30.3.2021; José Manuel Pena Novo, o 30.3.2021; José Antonio Vázquez Rial, o 30.3.2021; María Blandina Rial, o 30.3.2021; José Manuel Vázquez, o 30.3.2021; Soledad Vázquez Reyes, o 30.3.2021; Ramiro Fernández Pose, o 30.3.2021; José María Canosa Rey, o 31.3.2021; José Pardiño Rial, o 31.3.2021; Carmen Rial Mourelle, o 7.4.2021; María José Pardiño Rial, o 7.4.2021; Purificación Domínguez Pensado, o 26.4.2021; Diego Couto Calvelo, o 26.4.2021; José Luis Vieites Quintáns, o 26.4.2021; Matilde Calvelo Calvo, o 26.4.2021; José García Álvarez, o 26.4.2021; Ana Martina Varela Velo, en representación da Asociación Cova Crea, o 9.5.2021; José Luis Carreira, o 14.5.2021; José Antonio Fernández Cambón, o 14.5.2021; Jesús Recarey, o 14.5.2021; Claudio Cancela Cebey, o 14.5.2021; Victoria Blanco Sande, o 14.5.2021; Manuel Ameijeira Gerpe, o 14.5.2021; Victoria Blanco Sande, no seu propio nome e en representación da Asociación Mulleres Rurais Airiños do Xallas, o 28.5.2021; María do Carme Pardiño Rial, o 28.5.2021; Manuel Bertoa Pose o 30.7.2021.

ANEXO 2

Relación de bens e dereitos afectados parque eólico Campelo

Código	Nome e apelidos	Part.	Datos catastrais		Lugar	Cultivo	Nº aero.	Afeccións (m2)
								Pleno dominio				Servidume de paso		Serv. de voo
Pol.	Parc.	Cim.	Plat.	T. met.	SET	Vía	Gabia
Concello de Coristanco
3 B	Pombo Remuiñán M. Dolores	1	57	466	Chans	Piñeiral	AE01							1
4	Pombo Remuiñán M. Dolores	1	57	467	Chans	Piñeiral	AE01							1.566
9	Velo Barca Josefa	1	57	488	Chans	Eucaliptal	AE01		324			203	113
12	Antelo Pérez Severino-Hdros. Rpte.: Mª Carmen Antelo García	1	57	492	Chans	Eucaliptal						152	420
20	Sande Sande Adolfo	1	57	520	Chans	Eucaliptal	AE02	29	76			91	61	114
23	Vázquez Vila Guillermo-Hdros. Rep.: Clarisa Vázquez Porteiro	1	57	523	Chans	Eucaliptal	AE02	1	286			131	111
29	Leis Antelo Ermencina	1	57	529	Chans	Piñeiral	AE02					84		106
31 B	Tasende Lavandeira Manuela-Hdros. Rpte.: Generosa Taibo Tasende	1	57	532	Chans		AE02							12
32	Taibo Tasende Manuel	1	57	701	Chans	Eucaliptal						502
42	Antelo Pérez Severino-Hdros. Rpte.: Mª Carmen Antelo García	1	57	583	Chans	Labradío						89
47	Tasende Lavandeira Manuela-Hdros. Rpte.: Generosa Taibo Tasende	1	57	570	Veira da Braña	Piñeiral						378
69	Concello de Coristanco	1	69	1	Braña de Alcaián	Prado						438
71	Puga Porteiro Erminio-Hdros. Rpte.: Pedro Puga Varela	1	57	669	Chans da Braña	Piñeiral						73	95
72	Trigo Antelo José	1	57	565	Ch dos Chans	Prado						26	50
78	Rodríguez Casas Jesús-Hdros.	1	57	549	Belcho do Calado	Prado						392	307
80	Porteiro Pose Adolfo Rial Souto Dolores	1/2 1/2	57	542	Cucheiro	Prado						1.144	290
80 B	Porteiro Cancela Jesús-Hdro. Rpte.: Adolfo Porteiro Pose	1	57	541	Agro Vello	Prado						36
85	Rial Mourelle Carmen	1	57	704	Chousa dos Chans	Piñeiral							74
88	Porteiro Cancela Jesús-Hdro. Rpte.: Adolfo Porteiro Pose	1	501	1	Campelo	Prado							385
89	Cobas Cancela Carmen	1	501	2	Campelo	Piñeiral							239
90	Cotelo Pérez Manuel-Hdros. Rpte.: José Cotelo Pérez	1	501	3	Bosque	Eucaliptal							1.029
93 a-2	Lavandeira Barca Roberto Barca Martínez Mercedes	1	501	7	Campelo	Piñeiral						315	425
93 a-3	Lavandeira Barca Roberto	1	501	7	Campelo	Piñeiral						432	490
95	Rial Mourelle Carmen	1	56	471	Arriba do Mallo	Piñeiral						1.368	107
99	Velo Rial Carmen	1	56	454	P Bustelo	Matogueira						60	47
103	Costa Andrade Pedro	1	56	467	Co da Tella	Piñeiral						67
104	Álvarez Castro Enrique-Hdros.	1	56	466	P Bustelo	Piñeiral						64
107	Costa Andrade Pedro	1	56	396	P Bustelo	Piñeiral						70	72
121	Álvarez Pérez Asunción Hdros. Rpte.: Josefa Andrade Álvarez	1	56	479	Camiño da Tella	Piñeiral						179
124	Costa Andrade Josefa Hdros. Rpte.: Constantino Costa Andrade	1	56	484	Monte Lostroso	Eucaliptal							34
143	Cancela Mira Francisco e outro	1	56	360	Orilleiro	Piñeiral	AE05					63	95	4.142
143 B	Cancela Mira Francisco e outro	1	56	359	Orilleiro	Piñeiral	AE05							21
144	Porteiro Pose Adolfo Rial Souto Dolores	1/2 1/2	57	716	Chousa de Arriba	Prado	AE05							2.131
162	Bermúdez Busto Silverio	1	56	430	Escalo	Piñeiral						43
163	Negreira Andrade Jesusa-Hdros.	1	56	431	Escalo	Piñeiral						33
165 F	Negreira Mourelle Andrés-Hdros. Rpte.: Jesús Negreira Pastoriza	1	72	333	Pedra da Us	Eucaliptal	AE08		239			191	145	6
165 G	Taibo Calvo Aurora Hdros. Rpte.: Mª Carmen Negreira Taibo	1	72	334	Pedra da Us	Eucaliptal	AE08							104
174	Facal Novo José	1	72	271	Camposa da Xerpe	Piñeiral						2.155	730
176	Negreira Andrade Jesusa-Hdros.	1	72	273	Herbal da Braña	Eucaliptal						354	163
183	Taibo Calvo Aurora Hdros. Rpte.: Mª Carmen Negreira Taibo	1	72	294	Fonte Espiño	Matogueira	AE09	208	88			78	37	496
187	Taibo Calvo Aurora Hdros. Rpte.: Mª Carmen Negreira Taibo	1	72	303	Pedra Arada	Matogueira	AE09						715	3.978
205	Calvo Negreira Manuela Hdro. Rpte.: Manuel Pastoriza Calvo	1	72	235	Chousa de Pedra de Us	Matogueira	AE08							322
210	Taibo Calvo Aurora Hdros. Rpte.: Mª Carmen Negreira Taibo	1	72	241	Pedra de Us	Matogueira	AE08		852			180	97	966
222	Xunta de Galicia Consellería do Medio Rural	1	501	54	Fte Sagardoña	Matogueira							593
227	Castro José Novío Castro Manuel Castro Landeira Mª Rosario Gerpe Castro Juan Bautista e outra	1	501	62	Fte Sagardoña	Piñeiral							411
230	García Suárez Manuel-Hdros. Rpte.: Secundino García Suárez	1	501	74	Sucheiras	Piñeiral							502
Concello de Santa Comba
247	Canedo Calvo Ramón Hdros. Rpte.: Luz Divina Canedo Negreira	1	508	51	Pedra Arada	Matogueira							115
251	Mourelle Rial Aurelio	1	508	2356	Pedra Arada	Matogueira							80
253	Secretaría Xeral Técnica e do Patrimonio Xunta de Galicia	1	508	46	Pedra Arada	Matogueira							288
262	Álvarez García Evaristo	1	508	2378	Gadaña	Prado						5
263	Otero Gómez José	1	508	11076	Gadaña	Labradío						676	729
264	Ameijeiras Maroñas Josefa	1	508	10076	Gadaña	Labradío						369	387
267	Porteiro Canedo José-Hdros. Rpte.: José Porteiro	1	508	255	Laxe	Matogueira						460
268	Gómez Serrano Ventura	1	508	111	Laxe	Labradío						920	827
271	Rial Recarey Ramiro-Hdros. Rpte.: José Porteiro Rial	1	508	2329	Laxe	Matogueira						12
274	Gerpe Rama Celestino Rpte.: Ramón Gerpe Gómez	1	508	259	Laxe	Matogueira						195
276	Xunta de Galicia Consellería do Medio Rural	1	508	265	Chousa	Matogueira						375
278	Gerpe Gómez Ramón	1	508	118	Chumbado	Matogueira						360	453
279	Rodríguez Calvo Manuel-Hdros. Rpte.: José Luis Rguez. Calvo	1	508	119	Chumbado	Matogueira						142	156
280	Rial Souto Francisco	1	508	120	Chumbado	Labradío						398	456
281	Souto Velo Félix Rpte.: Sara Souto Velo	1	508	267	Chousa	Matogueira						124
282	Souto Velo Félix Rpte.: Sara Souto Velo	1	508	338	Lagoa	Matogueira						70
283	Souto Velo Carmen Rpte.: Sara Souto Velo	1	508	339	Lagoa	Matogueira						124
284	Souto Velo Josefa Rpte.: Sara Souto Velo	1	508	340	Lagoa	Matogueira						141
285	Souto Velo Josefa Rpte.: Sara Souto Velo	1	508	268	Lagoa	Matogueira						97
288	Secretaría Xeral Técnica e do Patrimonio Xunta de Galicia	1	508	121	Chumbado	Prado						204	270
290	Rial Noya Cándido	1	508	123	Lagoa	Matogueira						61	82
291	Secretaría Xeral Técnica e do Patrimonio Xunta de Galicia	1	508	153	Pedra Blanca	Prado						648	856
292	Recarey Gómez María	1	508	271	Lagoa	Matogueira						2.414	298
293	Souto Velo Sara e outros	1	508	154	Pedra Blanca	Labradío						15	73
294 A	García Rial María	1	508	272	Casal	Matogueira						636	738
298	Maroñas Álvarez Sofía Hdros. Rpte.: Mª Dolores Calvo Maroñas	1	4	439	Sollais	Matogueira						68	124
299	Rodríguez García M. Carmen	1	4	474	Sollais	Matogueira						591	577
300	Recarey Gómez María	1	4	472	A Lagoa	Eucaliptal						198
301A	Calvo Cambón Josefa Hdros. Rpte.: José Luis Rodríguez Calvo	1	4	506	Sollais	Piñeiral						37	82
302	Ameijeiras Maroñas José	1	4	390	Mata Novo	Matogueira						205
303	García Souto José Ramón	1	4	471	Mata Novo	Matogueira						1.052	250
304	Rodríguez Torreira María Jesús	1	4	388	Mata Novo	Matogueira	AE11		103			28
306C	Rodríguez Calvo José Luis	1	4	513	Mato Novo	Eucaliptal	AE11		1.749			617	351	470
306D	Rodríguez Calvo José Luis	1	4	512	Novo	Eucaliptal	AE11		530			99	70	1.063
307	Rial Recarey Francisco	1	4	443	Portoxoxo	Matogueira	AE11	165	117			22		2.125
308	Rial Recarey Ramiro-Hdros. Rpte.: José Porteiro Rial	1	4	394	Portoxoxo	Matogueira	AE11							1.037

Afeccións en pleno dominio – Cim.: cimentación do aeroxerador. – Plat.: plataforma de montaxe do aeroxerador. – T.M.: torre meteorolóxica. – SET: subestación eléctrica.

Afeccións por servidume de paso: – Vía. – Gabia. Serv. de voo: afeccións por servidume de voo.